Taman Nasional Hallasan
한라산국립공원, 漢拏山國立公園 | |
---|---|
taman·nasyonal·hallasan· | |
IUCN Kategori II (Taman Nasional) | |
![]() Danu kawah ring gunung marapi Hallasan | |
Koordinat | 33°22′N 126°32′E / 33.367°N 126.533°E |
Jimbar | 153.11 km2 (59.12 sq mi) |
Kaadegang | 24 Maret 1970 |
Sané Ngalola | Pemeréntahan Ngaraga Propinsi Kusus Jéju |
Taman Nasional Hallasan (Korea: 한라산국립공원, 漢拏山國立公園) inggih punika taman nasional sané magenah ring propinsi Jéju-do, Koréa Kelod. Kaadegang dados taman nasional ka-9 warsa 1970. Ngajangkepin gunung pinih tegeh ring Koréa Kelod, gunung marapi taméng Hallasan ring Nusa Jéju. Punika katetapang manados Cagar Biospér UNESCO warsa 2002,[1] miwah Situs Tetamian Gumi ring 2007.[2]
Taman Nasional Hallasan kakelola olih Pemeréntahan Ngaraga Propinsi Kusus Jéju. Dados wantah asiski saking makasami taman nasional sané nénten kakelola olih Layanan Taman Nasional Koréa.[3]
Hallasan ngelah 7 margi pamunggahan: pamunggahan Eorimok (6.8 km), pamunggahan Yeongsil (5.8 km), pamunggahan Seongpanak (9.6 km), pamunggahan Seokgulam (1.5 km), pamunggahan Gwaneumsa (8.7 km), pamunggahan Donnaeko (7 km), miwah miwah pamunggahan Eoseungsaengak (1.3 km). Pamunggahan pinih lantang punika pamunggahan Seongpanak sané nelasang kala sawatara 4,5 jam.[4]
- Pamunggahan Eorimok(어리목 탐방로) (6.8 km): Pamunggahan Eorimok kakawitin saking pusat Pangrauh Taman Nasional Hallasan (kategehan 970 m) miwah puput ring pasimpangan abing kelod (kategehan 1.600 m). Nelasang kala 3 jam antuk acepok mamargi.
- Pamunggahan Yeongsil (영실 탐방로) (5.8 km): Pamunggahan Yeongsill kakawitin saking Kantor Ménéjemen Yeongsil (kategehan 1.000 m) nganti pasimpangan abing kelod. Nelasang kala sawatara 3 jam 15 menit antuk acepok mamargi.
- Pamunggahan Seongpanak (성판악 탐방로) (9.6 km): Pamunggahan Seongpanak kakawitin saking pusat pangrauh nuju Puncak Danu Hallasan Baengnokdam. Nelasang sawatara 4,5 jam antuk acepok mamargi.
- Pamunggahan Seokgulam (석굴암 탐방로) (1.5 km)
- Pamunggahan Gwaneumsa (관음사 탐방로) (8.7 km): Pamunggahan Gwaneumsa kakawitin saking Gumi Pakémahan Gwaneumsa nganti Puncak Danu Hallasan Baengnokdam. Acepok mamargi nelasang kala 5 jam.
- Pamunggahan Donnaeko (돈내코 탐방로) (7 km): Pamunggahan Donnaeko kakawitin saking Pusat Pangrauh (kategehan 500m) ring pasimpangan abing kelod. Nelasang 3,5 jam antuk acepok mamargi.
- Pamunggahan Eoseungsaengak (어승생악 탐방로) (1.3 km): Pamunggahan Eoseungsaengak kakawitin saking Pusat Pangrauh Taman Nasional Hallasan nganti Puncak Eoseungsaeng-oreum. Nelasang kala 30 menit antuk acepok mamargi.
Hallasan kadiri anruk 153.112 km2 saking Nusa Jéju. Kategehan 1.950 m ring duur pamukaan segara sané manadosang ipun gunung pinuh tegeh ring Koréa Kelod. Gunung puniki kawentuk ring aab Kénozoikum kapat olih letusan gunung marapi.[5] Makéhan kadiri antuk watuan basal. Punik ngapentang nuju kangin miwah kawan, taler ngelah patuunan sané tegeh miwah matahap. Ring sisi liyanan, pahan kelod gunung punika dalem. Ring puncak, kawéntenan danu kawah sané kaaranin “Baekrokdam.”[6]
Mawinan gunung puniki ngelah kategehan langkung saking 1000 méter, wénten makudang entikan miwah buron pagunungan. 1800 soroh entikan, rumasuk 400 soroh enrikan spesimen miwah 50 soroh entikan kusus, idup ring Hallasan.[7] Asapunika kaakéhan soroh punika ngardiang nusa Jéju katetapang dados Cagar Biospér Gumi UNESCO warsa 2002 miwah Taman Nasional Hallasan punika silih tunggil wawenhoon Biospér Jéju.[8]
- ↑ "MAB Biosphere Reserves Directory: Jeju Island". UNESCO. 13 Désémber 2007. Kaaksés 18 Séptémber 2010.
- ↑ "Jeju Volcanic Island and Lava Tubes". UNESCO. Kaaksés 18 Séptémber 2010.
- ↑ "National Parks: About the Koréa National Park Service". Koréa National Park Service. Kaarsipin saking versi asli tanggal 2022-03-31. Kaaksés 18 Séptémber 2010.
- ↑ "Mountain Information: Trail Guide". Hallasan National Park. Kaarsipin saking versi asli tanggal 20 April 2010. Kaaksés 10 December 2011.
- ↑ "Park Introduction". Hallasan National Park. Kaarsipin saking versi asli tanggal 12 March 2013. Kaaksés 10 December 2011.
- ↑ "Myungsan(명산)". Jeju Special Self-Governing Province. Kaarsipin saking versi asli tanggal 7 March 2014. Kaaksés 10 December 2011.
- ↑ "생태계의 보고>식물". Hallasan National Park. Kaarsipin saking versi asli tanggal 4 February 2013. Kaaksés 10 December 2011.
- ↑ "Biosphere Reserve". World Natural Heritage Jeju. Kaaksés 10 December 2011.
![]() |
Wikivoyage madué panduan wisata Hallasan National Park. |